Le proiet “La Pli: le tesur da descorí” (CUPC87B22000050007) prejenté dal Comun de Mareo, en resposta al avis M1C3 Envestimonc 2.1 “ATRATIVITÉ DAI ZËNTRI STORICS – PROIET LOCAL DE REGENERAZIUN CULTURALA Y SOZIALA”, é gnü aproé por le finanziamont. 

Finanzié dal’Uniun Europeica – NextGenerationEU y dal Plann Nazional de Rofata y Resilionza, tól ete le proiet en zënter cultural de enresciüda, documentaziun y formaziun, metenn a desposiziun l’archif de calogna milenar y la biblioteca a en publich enterescé y orienté culturalmonter y scientificamonter, dal post y da foradecá, revalutenn le lingaz y la cultura ladina, cherienn oportunités sön le teritore con en turism creatif y respetus dla contrada desco lerch da vire y plataforma interculturala, respetus dal ambiont y orentí da archirí les emoziuns dla munt alta y les saus locales.

I orun en turism creatif y acort co respetëia la contrada desco lerch da vire y plataforma interculturala, respetus dal ambiont co chir le chît, co ó se lascé ia tla natöra, jí a pe y con la e-bike, jí a ciaré le Parch Natural. Con la creaziun de trus tematics, de rodes da na vila al’atra, tólon sö la contrada desco lerch de relaziun. La plaza, post de mediaziun danter cultures, relaziuns soziales, é na ocajiun dada por le raport danter les cultures desferontes dai mituns (barac de grups de scora). La contrada desco patrimone cultural n’ó nia dí ma les "belëzes naturales", mo ince chëres co s’á enserí tres le laur y les üsanzes dla porsona tal teritore, cheriada dala comunité umana co á motü raisc, te na interaziun continuativa dla natöra y dla porsona.