Anagrafa nazionala dla popolaziun residenta (ANPR)

L’anagrafa dal Comun de Mareo é subentré ai 15 de jügn 2020 tla anagrafa nazionala dla popolaziun residenta (ANPR).

Cösc o dí che i dac anagrafics gnará salves y ajornes da sen ennant tla banca dai dac anagrafics nazionala y che vignönn po sen ji ete te cösta banca dai dac, sonza messei ji plü te tal ufize anagrafich dal comun.

Le sistem ANPR www.anpr.interno.it olache an po ji ete con la cherta de identité digitala ativada(CIE), con la cherta sanitara ativada (cösta pon ativé te comun) y ince con le SPID, consont la consultaziun dai dac anagrafics de s'entesc, mo ince da stampé cöstes autozertificaziuns:

• Generalites: ennom, cognom, codesc fiscal, ses, post y data de nasciüda, dac de registraziun d'al at de nasciüda
• Zitadinanza
• Cherta de identité: numer, sort (papier o digitala), validité por foradeca o nia, dörada dla validité, comun che ara é gnüda fata
• Matrimone / Uniun zivila: dac dal partner, post y data de matrimone, enformaziuns sön la separaziun y spartiziun
• Familia anagrafica: lista dai componenc dal stat de familia con le raport de parontela 
• Residenza: misciun de residenza
• Esistonza en vita

Do a che dal 15 de setember 2020 (art. 30 bis d.l. 76/2020), nia mat i ufizi publics y i gesturs de sorvisc publics (ej. SEAB), mo ince i PRIVAC, desco les banches, assicuraziuns, CAF, federaziuns sportives, daturs de laur privac y atri, esai oblighes a azeté les autozertificaziuns, en sostituziun dai zertificac, l’ingres tal ANPR porterá de bun al comun de Mareo, porvia che l'adoré dert dla autozertificaziun, porterá:

• nia plü messei gní te comun a se lascé fa i zertificac (residenza, familia, nasciüda y atri);
• le sparagn de scioldi, porvia che an n'á nia plü bria da meter sö la marca da bol da € 16,00, che an mess meter sön i zertificac.

29/06/2021